И оваа година нашето родилиште се приклучи кон светската кампања за поддршка на доењето.
Август е прогласен за Светски месец на доењето , време кога, но и во текот на целата година, се преземаат активности кои и помагаат на мајката да отпочне со доење и да го одржи доволно долго.

Доењето обезбедува драгоцени нутриенти и имунолошки фактори важни за здравјето и напредокот на новороденчето. Воедно, го заштитува здравјето на мајката и создава силна емоционална врска мајка–новородено.

Мотото на СЗО за оваа година е: „Здрави почетоци, надежни иднини“ .
Да ни се множат новороденчињата и да растат здрави и среќни!